Sa tama lang po!
Naalala nyo ba nung nag announce yung babaeng maliit na di sya hahabol nung 2004 elections?, pero binawi din nya ito pagkaaraan lamang ng ilang buwan….
Nung nkaraang linggo naman, sinabi nyang may tamang panahon para sa cha-cha.. at unahin muna dapat ang ibang pangangailangan ng bansa, marahil nasabi nya ito dahil sa dami ng taong bumabatikos at tumututol sa cha-cha.. ngunit ng nakita nyang hindi ganun karami ang dumalo sa prayer rally, biglang binawi nya ito at sinabing, muling bubuhayin ang issue ng cha-cha na isinantabi nya noong nakaraang linggo.. WALANG ISANG SALITA!.
Hindi sapat na husgahan ang daing ng tao dahil lang sa bilang ng dumalo sa prayer rally.. bakit ba kasi di nalang nila pagtuunan ng pansin ang patuloy na paghihirap ng bansa natin, ang mga kabataan na di makapag-aral at nalululong sa bisyo, ang mga tao na walang tirahan, makain. Bakit di nalang ang pag unlad ng bayan ang isipin at isantabi na ang pag unlad ng sariling bulsa!. Sana rin namay wag nyong isisi sa simbahan ang maling gawi ng mga Pilipino. Patuloy sa pangangaral ang Simbahan, ngunit kayo mismo ang di marunong makinig,at sa inyong mga namumuno sa pamahalaan pa namin nakikita ang bulok na ugali at pamamahala ninyo. Paumanhin mga ginagalang naming mga POLITIKO.sa pakiwari lamang ng isang kabataan,..
SA TAMA LANG PO!
jay
Ang Mahalin ka....
Ang mahalin ka ng higit pa sa pagmamahal
Ang ibigin ka, habang buhay ay itataya.
Yan ang tanging alay bawat pasko
At mahalin ka higit pa sa buhay ko.
Ipaglaban ka sa bawat tama at mali.
Ang kampihan ka sa bawat laban at sandali
Yan ang aking sinumpa sa puso mo.
At uuulit ulitin twing pasko.
At sa bawat pagsikat at paglubog ng araw.
Sa bawat saglit na kasama ay tanging ikaw.
Sa bawat pangakong nakalimutan at ninakaw,
Kaya mo bang tumbasan ang aking pagmamahal?
Mt. Samat sa Ikatlong Akyat
02 Disyembre 2006
May Bagyo. Alam nating darating…Himala man o hindi ay natuloy ang akyat sa Mt. Samat! Mula sa banta ng panahon at hamon ng Samat ay muling nagdudumaling nag-akyatan ang 30,000 (tatlumpung libong) humigit kumulang na mga mananampalataya na ang 95% marahil ay mga KABATAAN! Ang dahilan: Bataan: Bayani at Banal: Sama-sama sa Pagbabago ng Lipunan.Ang taong 2006 ang hamon ng Simbahan para sa pagpapanibago ng bayan.
Biglang nawala ang Bagyo. Alam nating umiwas o humina! Ngunit hindi nawala ang ragasa ng loob ng mga taga Bataan sa pag-akyat sa Mt. Samat. Hindi rin umiwas ang lahat na makiisa sa ating Obispo sa mga minimithi ng Sinodo bilang konkretong pagsasabuhay ng Bayani at Banal sa Bataan. Ang pangkalahatang paksa ng Adviento at kapaskuhan sa Diyosesis ay Panunuluyan ng Sinodo, Panunuluyan ni Kristo. Unang Linggo ng Adviento ang akyat sa Samat. Bagyuhin natin ang Bataan, dala-dala sa Puso ang Sinodo. Patuluyin si Kristo sa hamon ng panahon!
May Bagyo.Tago at Delikado! Tapos na ang bagyo ng hangin at ulan. Tapos na ang Akyat sa Samat. Nakababa na tayo sa patag at maaliwalas na mundo. Hindi nagtatagal ay nagulantang tayo sa gulo ng lipunan. Kongreso at Senado. Pamahalaan at Halalan. ConAss, ConCon, ChaCha. Bakit nga ba iba’t iba ang tugtog at sayaw, mga hanging hindi mo maintindihan? Nasaan ang halimuyak ng kalayaan at kapayapaan? O baka naman mas amoy ang malansang kasakiman at mabahong loob? Mga ulan na may bahid ng pawis, ngitngit at luha na nagbabadya sa puso ng Pilipinong masa. Nasaan o nakanino ang maiitim na balak at madidilim na pangarap? Sinu-sino ang may malalagim na budhi?
Kaya’t Mt. Samat sa Ikatlong Akyat! Sinagupa ang bagyong naparam ng panahon! Ngunit hinaharap ang totoong bagyo sa kalooban ng mga Pilipino. Bagyo na hindi maitatago ng ulap at mga kislap ng Pasko. Bagyo na haharapin ng tapang at banal na puso! Bagyo na mahahawi at mapapawi sa Pagsilang ng Bagong Kasarinlan!AMEN!
Nagninilay: Padre Perry
Facebook Badge
Profile
Nagpapakilala...
ayoko un. Masyadong pormal.
puede din namang Jose. 'wag pala!
pang matanda.
Ipinanganak sa Lungsod ng
Mandaluyong, lumaki at tumanda sa
Lungsod ng Balanga.
bente anyos. walang asawa.
pero may iniibig.
nag-aaral ako sa paaaralan ng
mga Bayani. at gusto ko din namang
maging bayani.
Bayani sa puso ng pamilya ko,
at bayani sa puso ninyo.
[kung paano?, di ko din alam]
Isa akong lider kabataan sa aming
parokya. pero hindi 'kilusan' ang aming
samahan. Isa kaming grupo ng kabataan
ng parokya na nakatutok sa paghubog
sa aming sarili upang maging kapaki-
pakinabang pa sa aming parokya at lipunan.
madami akong problema. natural sa akin
yun.pati kasi problema ng iba, pinoproblema ko na din. Problema ko din
ang patuloy na pagtaas ng presyo ng produktong petrolyo, problema ko din ang kahirapan ng Pilipinas, problema ko din ang muling pagbagsak ng ekonomiya
ng Pilipinas. Problema ko yun, dahil apektado ako nito!
mahilig akong kumain. [tumataba na daw ako!] syempre, merong aangal! mahilig sa kape. Adik sa tsokolate. sipuning bata. [kinalakihan ko na 'to eh.]
marami akong gustong maging.
gusto kong maging inhinyero,
ngunit may hangarin din sa pagpapari.
tanong nyo kung bakit di pa ko pumasok ng seminaryo?
Ang sagot: Gusto ko munang maniguro.
nakakahiya atang mapalabas ng seminaryo!
Gusto ko din baguhin ang takbo ng buhay ng pamilya ko. sympre, katulong ko dito ang mga kapatid ko.
teka. di lang pala pamilya ko, buong angkan namin...
at kung gagawing akong instrumento ng Diyos ng pagbabago, aba, gusto ko din baguhin ang mukha ng mundo.
kahit kapalit pa nito'y ang buhay ko...
kausapin mo ko...
puntahan mo kaya sila....
- Ang mga lihim ni Hudas
- anghel na walang langit
- ayaw ko ng mag blog
- Beyond Borders
- Blissful Bobby-Soxer
- bojoy's portal
- bro.utoy
- canky is me
- Dedpish
- ginger bread
- hUrtfuL.pRey
- inday, ang sosyal na maid
- Insignia
- isang kilong bigas
- j0yo
- khzr4u is twisted
- kliti ng diyos
- kwento ni enday
- magpasawalanghanggan
- mapanuring panitik
- moving along
- mundong parisukat
- prinsesa
- promdiwood
- revsiopao
- romancinghelena
- thought-pollution
- utak munggo
- webmistress
- yeinechan
Facebook Badge
Followers
TAMA NA ANG PULITIKA. KAMI MUNA!
NO to BNPP!
NETWORK OPPOSED TO BNPP
Blog Prayer Brigade
CURRENTLY READING
Labels
- be loved (4)
- love... by Joseph (4)
- Mga kwento at damdamin ni Mang Jose (39)
- pala-palagay ni Jay (10)
Blog Archive
Panginoong Hesus ako ay nakikiisa
sa 'Yong walang hanggan at walang katapusang
'sangkatauhang pag-aalay.
Iniaalay ko ang aking sarili sa bawat araw ng aking buhay
At sa bawat sandali ng bawat araw ayon
sa 'Yong pinaka banal at kagalang-galang na kalooban.
Ikaw ang naging alay para sa 'king kaligtasan.
Nais kong ako'y maging alay mg 'yong pag-ibig.
Tanggapin Mo ang aking ninanasa
Kunin Mo ang aking handog.
Malugod Mong pakinggan ang aking hinaing.
Itulot Mong sa 'Yong pag-ibig ako mamatay,
Itulot Mong sa 'Yong pag-ibig ako mabuhay.
Itulot Mong ang huling pintig ng aking puso ay
maging tanda ng isang wagas na
pag-ibig ng isang wagas na pag-ibig.