Unang Komunyon, Nuclear power plant, STL atbp.,
[dapat nung Saturday pa 'to. di lang natapos.] xD
ikalawang sabado ng buwan.
araw ng paghuhubog para sa mga kabataan
ng Obispo ng Balanga.
2nd Saturday nanaman, araw na inaabangan ng mga
fans ni Bishop Soc. Araw muli ng paghubog.
Umikot sa tatlong paksa ang dalawang oras na meeting kasama ang Obispo.
joke of the day:
BP. Soc: Minsan may batang lumapit sakin para mangumpisal para sa pagtanggap nya ng first communion. Lumapit sya, nanlalamig at kinakabahan ang bata.
Bata: (lumuhod sa kumpisyonaryo at biglang napaiyak ang bata!)
Bp. Soc: Why?...
Btata: I forgot....
Bp. Soc: You want me to say the first word?
Bata: Yes...
Bp. Soc: ok.. Bless....
Bata: nagliwanag ang mukha ng bata, ngumiti ant biglang sinabi:Bless us, O Lord, and these Thy gifts which we are about to receive from Thy bounty, through Christ our Lord. Amen.
Tungkulin daw nating mga nakatatanda ang paghahanda sa mga bata sa komunyon lalo't higit kung kamag-anak o kapatid natin ito. Wala ng mas sasarap pa sa pandinig kung madidinig daw nating sasabihin ng nakababata nating kapatid na "Si kuya ang naghanda sakin para sa first communion!" Tungkulin daw ng bawat isa sa pamilya ito. wag nating iasa sa katekista o sa school program.
_____________________________
Linggo, tapos na magmisa sa umaga si Fr. 2 misa sa umaga at isang binyag. Tapos na ang misa at binyag. Sarado na ang simbahan. pumasok ka sa loob ng simbahan at nakita mo si Fr. na nagdadasal.
Tama o Mali??
"Mali! Iskandalo para sa simbahan ang makita itong sarado! Linggo?!, Sarado ang simbahan!
Hindi lamang pari ang may tungkulin na pabanalin ang araw ng Linggo. Dapat katulong ang sambayanan. Maaring magpakain ng mga bata sa loob ng simbahan, maaring magturo ng mga bata. "Wag nyo ng asahan si Fr! hindi maasikaso ni Fr mag-isa yan!"
May kabatang nagtanong.
"Bishop, legal na po ba ang jueteng sa Bataan?"
Anti Gambling Statement from the Diocese of Balanga
"Ang pasugalang dumadami sa ating lalawigan ay punlaan ng kurakot sa pamahalaan. Ang pasugalang kumakalat sa Bataan ay pinagsisimulan ng pagkasugapa sa bisyo sukdulang mapabayaan ang mga anak dahil sa paglustay ng salaping dapat sana ay para sa pagkain at pagpapaaral ng kabataan. Ang pasugalang dumadami sa Bataan ay nagtuturo ng katamaran sa halip na kasipagan at naghahatid sa pagsisinungaling sa halip na pamumuhay sa katotohanan.
Nakasusuklam na sa lalawigang tinawag na “cradle of heroes”, sinusubukan ng pamahalaan kung magtatagumpay ang small town lottery. At kung ang small town lottery ay magtagumpay nga sa Bataan, papalitan na ba natin ang taguri sa Bataan bilang “cradle of the small town lottery”. Nilalapastangan ng small town lottery ang kabayanihang nais natin para sa Bataan.
Nananawagan ako sa inyong lahat—kaparian, madre at layko—sugpuin natin ang pasugalan sa Bataan. Ang pasugalan ay labag sa utos ng Diyos na mamuhay nang matuwid at tapat. Ang pasugalan ay labag sa pangarap nating maging bayani at banal. Ang pasugalan sa Bataan ay kalapastanganan sa alaala ng mga bayani ng Bataan na nagtiis ng hirap, gutom at uhaw mapanatili lamang ang dangal ng Bataan!
Kung alam ninyo na ang inyong inihalal na pinuno ng pamahalaan ay kasabwat sa paglaganap ng pasugalan, tandaan ninyo ang kanilang pagtataksil pagdating ng susunod na halalan. Hindi sila karapat dapat mamuno sa bayang nagnanais maging bayani. Sila ay kalaban natin."
May nagtanung muli na kabataan.
"Bishop ano po ang stand ng simbahan sa Bataan tungkol sa Nuclear Power plant?"
"Meron ng statement ang simbahan, babasahin ito bukas ng mga parish priest ninyo sa mga misa"
CHOOSE THE LORD! REJECT EVIL!
Pastoral Statement on the Proposal to Operate the Bataan Nuclear Power Plant
Ang Bataan nuclear power plant ay naideklara ng unsafe sa dalawang kadahilanan.Ang BNPP ay itinayo sa paanan ng isang dormant na bulkan ang Mt. Natib. Sino ba ang mag-aakala na sasabog ang bulkang Pinatubo pagkatapos ng 200 daang taon? Ano mang pagsabog ng bulkang Natib ay magdudulot ng di maipapaliwanag na pinsala mula Gitnang Luzon hanngang Mayanila! Kaya kung akala ng mga nagpaplano sa Maynila na di sila aabutin kung magkaroon man ng aksidente sa BNPP, nagkakamali sila.
Napakaraming iregularidad habang itinatayo ang BNPP. Walang makapag sabi kung tumupad ito sa International Standards. Minsan sa Morong ay mayroong mangingisda ang nagsabi ng buong pagmamalaki. "Sayang nga ho at di natuloy ang nukleyar na iyan, noong itinatayo ang BNPP, kinuha pa ho kaming WELDERS diyan eh dahil sa hirap ng buhay sa pangingisda. Maningisda?! Ginawang welder ng Nuclear Power Plant?!
"Mag search kayo sa google!" "yung ibang bansa nag-iisip na kung papano isasara ang mga plantang nukleyar nila, tayo namang mga gago, magbubukas pa tayo!"
____________________________________________________________________
Reactions:
Hm. Wala naman gano. Pero meron syempre.
Una.
Sayang wala akong batang kapatid, gusto ko din sana maranasan ang paghahanda sa kanya sa unag komunyon nya. di bale, aantayin ko nalang magkaanak ang mga kapatid ko. xD
Pangalawa.
May tanong ako. Hm. Tama, magpakain tayo ng mga bata, magturo ng katesismo, pabanalin natin ang araw ng Linggo, pero napasaya kaya natin ang pamilya natin? may oras pa kaya tayo para sa pamilya natin kung magkaganoon? Hm..
tanong lang po ito ng litong taong tulad ko.
Pangatlo.
Jueteng and STL ay iisa! sa Jueteng, may lagay ang pulis, mayor, governor atba. para hindi mahuli ang mga kubrador at magtuloy parin ang mga transaksyon.
Pinalitan ng STL (small town lotery) ang Jueteng upang maging legal ito. same mechanics. may kubrador pa din.
at take note!
may lagay pa din si mayor, si gov, at si mamang pulis...
hmm!
Pang-apat.
Mga kabataan ng Bataan, mag-abang lamang tayo ng kahihinatnan ng public hearing sa Lunes (July 14) ano man ang maging resulta nito, magsama sama sana tayo para sa pagtutol dito.
Panglima.
wala na. review lamang ito ng dalawang napakabuluhang oras kasama ang Obispo ng Balanga. nextmonth ulit! :)
